ڕۆژا ئێکشەمبی ڕێــککـــەڤتی (٢٠٢٥/٧/٢٧) شاندەکێ بلند ب سەرۆکاتیا ڕێزدار (پ.د. دیار عبدالکریم سعید) سەرۆکێ زانکۆیا زاخۆ و لگەلدا بەڕێزان ئەندامێن جڤاتا زانکۆیێ، سەرەدانا لقا (٨) یا پارتی دیموکراتی کوردستان کر و ژلایێ ڕێزدار (عومەر ئورەیی) بەرپرسێ لقێ ڤە هاتنە پێشوازیکرن.
د ڕوینشتنەکێ دا هەردۆک ئالیان خۆشحالیا خۆ ب ئەڤێ سەرەدانێ دەربرین و پاشان گەنگەشە ل سەر چەند بابەتێن گرنگ هاتە کرن.
ژلایێ خۆ ڤە بەرپرسێ لقا (٨) دەستخوشی و پیرۆزباهی ل زانکۆیا زاخۆ کر، ژبەرکو د دەمەکێ کورت دا شیایە ئاستێ خۆ بەرەڤ پێشڤە ببەت و ل ڕێزێن دەستپێکێ جهێ خۆ بگریت، هەروەسا ئامادەیی و پشتەڤانیا خۆ بۆ زانکۆیێ ب گشتێ ڕاگەهاندن و گوت: هەر چ ئەرکێ بکەڤیتە لایێ مە و بشێت خزمەتا زانکۆیێ بکەت، ئەم ب هەمی شیانێن خۆ دێ هاریکار بین.
هەروەسا ڕێزدار بەرپرسێ لقێ د درێژیا گوتنین خۆ دا، داخوازکر زانکۆ ژبلی کۆ ناڤەندا زانستی و ئەکادیمی یە، دڤێت ڕۆلەکێ بەرچاڤ د پرسێن نیشتیمانی دا هەبیت و ببیتە ئەگەرەکێ بلندکرنا ئاستێ هەست و هوشیاریا نەتەوەیی ب تایبەت د بارودۆخێن نوکە یێن کوردستان تێدا دەرباس دبیت، کۆ پێدڤیە ئەم هەمی پێکڤە ب ئێک دەست، هەبوونا خۆ وەک کورد و کوردستانی بۆ دەوروبەرێن خۆ ب سەلمینین.
ل دوماهیێ ڕێزدار سەرۆکێ زانکۆیا زاخۆ، سوپاسی پێزانینێن بــێــسنۆر ئاراستەیی لقا (٨) کر، بۆ پشتەڤانی و هاریکاریا ئەوان یا بەردەوام ل زانکۆیێ ب گشتی و قوتابیان ب تایبەت، هیڤی خواست ئەڤ پێکڤە کارکرنە یا بەردەوام بیت بۆ هندی بشێن پێکڤە خزمەتا دەڤەرێ ب گشتی بهێتە کرن.